Singapore-base power producer, plano nga mag-invest sang P52 billion nga renewable energy sa Pilipinas

Ginalauman nga maga-invest ang Vena Energy nga nakabase sa Singapore sang P52 billion agud mapasangkad pa ang renewable energy sa Pilipinas.

Tinutuyo sang kompanya nga makadugang sang 1.29 gigawatts nga kapasidad sang clean energy sa pungsod.

Ini kadungan sang pagsinapol si President Ferdinand Marcos Jr., sa mga opisyales sang Vena Energy sa Singapore agud istoryahan ang mga proyekto sang kompanya sa Pilipinas.

Ginalauman nga makabulig ini sa pagdugang sang suplay sang kuryente kag sa katuyuan sang gobyerno nga mapataas ang paggamit sang renewable energy sa 35 percent sa 2030 kag 50 percent sa 2040.