Nangin isa na ka super typhoon ang bagyo nga may international name nga “Sinlaku”, suno sa Philippine Atmospheric, Geophysical and Astronomical Services Administration (PAGASA).
Sa ginpaguwa nga 10:pm update sang state weather bureau, ginpahayag sini nga gina-monitor ang bagyo sa sulod sang iya monitoring domain, apisar nga nagapabilin ini sa gwa sang Philippine Area of Responsibility (PAR).
Base sa 8 p.m. report sang weather bureau, ang sentro sang bagyo ginabulubanta nga yara sa 2,680 kilometrs sa sidlangan sang Eastern Visayas.
Suno sa PAGASA, ang “Sinlaku” may maximum sustained winds nga 195 kph malapit sa sentro kag pagmadlos tubtob 240 kph.
Nagahulag ini pa-Northwest sa kadasigon nga 15 kph.
Padayon ang monitoring sang PAGASA sa hulag sang bagyo bangud nagapabilin ini nga malayo sa pungsod.
