ROXAS CITY – Patay ang isa ka soldalo nga assigned sa Bravo Company sang 94th Infantry Battlion, 3ID Philippine Army nga nagaserber nga augmentation force sa 61st IB nga naba-se sa Barangay Lagdungan, Tapaz, Capiz matapos tiruhon sang kaupod nga soldado.
Nakilala ang biktima nga si PFC Delio Sebarillo 37-anyos sang Manapla, Negros Occidental nga nag-angkon sang pilas sa tiyan, samtang ang suspek nga si PFC Sargie Labao 28-anyos sang Barangay Bato-Bato, Mambusao, Capiz nakabilanggo sa karsel sang Tapaz Municipal Police Station.
Sa interview sang Bombo Radyo Roxas kay Lt. Col. Sisenando Magbalot Jr., Battalion commander sang 61st IB PA, ginpahayag sini nga nagapadayon sa karon ang imbestigasyon para matul-id ang motibo ni PFC Labao sa pagtirol-patay kay PFC Sebarillo, bangud wala sang may gin-awayan sang duha antes ang krimen.
Ginatsekyar sa karon ang mental health sang suspek nga antes na-assign bilang isa sa augmentation force sa 61st IB sa Barangay Lagdungan, Tapaz gindala ini sa ospital.
May mga impormasyon man nga ba-se sa obserbasyon sang ila nga company commander wala na nagahambal ang suspek humalin pa sang nagliligad nga mga inadlaw.
Nahibaluan nga bag-o lamang nagbayluhanay sang duty ang duha ka mga soldado sang nagluntad ang krimen.
