Ginapa-imbestigahan ni Sta. Rosa, Laguna Representative Dan Fernandez sa Office of the Solicitor General ang kontrata nga ginsulod sang Philippine Statistics Authority (PSA) sa isa ka private service provider nga nagabalor sang P5 billion.
Suno kay Fernandez, 10 years na ang nasambit nga service provider nga panag-iya sang isa ka private company nga Unisys.
Ginpahayag ni Fernandez, nabutang sa alanganin ang tagsa ka profile sang mga Filipino nga naga-agi sa service provider.
Bangud diri hinyo ni Fernandez kay Solicitor General Menardo Guevarra nga lantawon ang nasambit nga kontrata sang PSA.
Ginpahayag ni Fernandez nga ang Unisys Corpration suno sa report sang Federal Bureau of Investigation sang US ang nag-angkon ini sang kaso sa ila.
Wala naman gindetalye ni Fernandez kun ano ang nangin kaso sang Unisys.
Ang pahayag ni Fernandez ang kasunod sa nangin rebelasyon sa Quad Comm hearing nga madamu sang mga Chinese nationals ang nakakuha sang birth certificate pinaagi sang late registration policy.
