Wala ginbaton ni Rovelyn Baterbonia, iloy sang napatay nga basketball player nga si Rene, ang pagpangayo sang pasaylo sang Ateneo de Manila University men’s basketball head coach Tab Baldwin.
Sa iya social media account, ginpahayag sini nga labaw pa sa sakop sang pagpangayo sang pasaylo ang kamatayon sang iya bata.
Gusto lang niya nga ipahayag kon ano gid ang natabo.
Wala man ini nagapati nga aksidente ang natabo sa iya anak kag kun aksidente man, wala gilayon sila nahatagan sang nagakaigo nga update.
Ginpanindugan man sini nga nagpost pa sila sa social media nga napatay na ang ila anak apang wala gani sila sang pictures nga ipakita.
Gin-ako ni Baldwin nga aksidente ang insidente sang kamatayon ni Rene, kaangay sang natabo kay Divine Adili sang Lunes sang aga sa ocean part sang Aurora.
