-- ADVERTISEMENT --
ROXAS CITY – Partially burned ang stock room sang Aglalana Integrated School matapos ang nagluntad nga sunog takna 2:44 kahapon, Enero 8 sa Barangay Aglalana, Dumarao, Capiz.
Sa impormasyon nga nakuha sang Bombo Radyo, samtang nagapatigayon sang klase, nasimhutan sang mga estudyante ang baho nga daw kasubong sunog nga wiring kag sa ila pagtsekyar nagakalayo na ang nasambit nga stock room.
Gilayon nga nagresponde ang Bureau of Fire Protection Dumarao agud mapalong ang kalayo.
Nagdangat naman sa kapin P6,750 ang nangin halit sang nasambit nga sunog.
Sa karon, nagapadayon pa ang imbestigasyon sang BFP-Dumarao kun ano ang gintunaan sang sunog.
-- ADVERTISEMENT --
