Street level individual, arestado sa drug buy-bust operation sa Ivisan, Capiz

Arestado ang isa ka lalaki sa ginpatigayon nga drug buy-bust operation sa  Barangay Poblacion Norte, Ivisan, Capiz.

Ang arestado amo si alyas Rolly, 31-anyos, Street level individual, residente sang amo nga lugar.

Sa interview sang Bombo Radyo kay Police Captain Rile Villariez Jr., Hepe sang Ivisan Municipal Police Station, iya ginpahayag   nga nakuha sa subject person ang ginabanta isa ka gramo sang suspected shabu nga may standard drug price nga P6,800.

Suno kay Villariez, ang subject person ang madugay na nga ginamonitor sang mga kapulisan.

Sa subong, preso na ang arestado sa Ivisan Municipal Police Station kag magapangatubang sang kaso nga paglapas sang Republic Act 9165 ukon Dangerous Drugs act of 2002.