Arestado ang isa ka lalaki sa ginpatigayon nga drug buy-bust operation sa Barangay Sta. Cruz, Ivisan, Capiz.
Ang arestado amo si alyas Junel, 45-anyos, Street level individual, wala pa ma isa ka tuig nga nagatanir sa amo nga lugar.
Sa interview sang Bombo Radyo kay Police Captain Rile Villariez Jr., Hepe sang Ivisan Municipal Police Station, iya ginpahayag nga nakuha sa subject person ang ginabanta isa ka sachet sang ginapatihan shabu nga may ginabulubanta nga may Standard Drug Price (SDP) nga P6,800.00.
Narekober man ang isa ka unit sang .45 caliber nga armas-luthang, isa ka magazine kag mga bala.
Suno kay Villariez, base man sa ila pag-usisa masami may nagakadto sa balay sang subject person kada gab-i.
Sa subong, na-file na sa office of the provincial prosecutor ang kaso kag magapangatubang ang arestado sa paglapas sang Republic Act 9165 ukon Dangerous Drugs act of 2002 kag Republic Act 10591 ukon ang Comprehensive Firearms and Ammunition Regulation Act.
