Ginapreparar na sang mga kapulisan ang pagpasaka sang kaso nga Harboring of a Criminal batok ka Juvy Bagares nga amo ang subject sang search warrant nga ginpatigayon sang mga kapulisan sa Barangay Ilawod, Pontevedra, Capiz.
Sa interview sang Bombo Radyo kay Police Colonel David L. Cachumbo Jr., Provincial Director sang CPPO, iya ginpahayag nga may mga impormasyon sila nga nabaton nga nagahupot si Bagares sang illegal nga mga armas luthang.
Suno kay Cachumbo Jr., gilayon ini ginvalidate kag madugay nga pagmonitor sang mga kapulisan antes natigayon nga amo nga operasyon.
Nahibaluan sang ginserbe ang arest warant sa iya mimso puluy-an apang nakapalagyo ini kag nakuha man ang nagkalain-lain nga armas-luthang, bala kag isa ka fragmentation grenade.
Samtang sa amo man nga operasyon arestado naman ang suspek nga si Leonil Deocampo sa pagluthang-patay kay Police Captain Rian Ampoyos, anay pinuno sang 1st Capiz Mobile Force Company.
