Sugar Regulatory Administration, gina-engganyo ang publiko nga magbakal sang local sugar

Gina-engganyo sang Sugar Regulatory Administration (SRA) ang mga sugar industry players, ilabi na ang mga negosyante kag mga konsumidor nga magbakal sang lokal nga mga kalamay.

Suno sa SRA, bisan mahal ang ila presyo, may garantiya nga mabuslan ini sang export allocation kon mag-abot ang tion.

Ginaduso sang SRA ang boluntaryo nga pagbakal nga programa sa pagpataas sang presyo sang lokal nga kalamay.

Sang nagligad nga mga binulan, ang presyo sini nagnubo sing 10 porsiento.

Nahibaluan ang presyo sang raw sugar sang Nobyembre nagnubo sang halos P300 gikan sa P2,000 kada 50-kilo nga sako sang kalamay.