Ginkumpirmar sang Department of Agriculture nga bastante ang supply sang sibuyas sa pungsod.
Sa ulihi nga imbentaryo sang ahensya, posible nga may ikasarang na ang gobyerno sa supply sang sibuyas sa merkado tubtob sa bulan sang Pebrero sa 2025 ukon sa una nga quarter sang 2025.
Rason ini sang ginkonsiderar sang DA nga palawigon pa ang import ban nga ginapatupad para sa sibuyas.
Pahayag ni DA Spokesperson kag Assistant Secretary Arnel De Mesa, masobra 162,000 metriko nga tonelada ang naka-stock nga sibuyas sa cold storage facilities.
Ang nasambit nga bilang sang supply ang kasarangan nga magdugay sang walo ka bulan ukon 276 ka adlaw.
Gin-istudyuhan naman ni Agriculture Secretary Francis Tiu Laurel Jr. kun maga-import pa sang sibuyas ukon indi na agud mapunggan ang pagtaas sang presyo sini.
Samtang, magahiwat naman sang nagakaigo nga konsultasyon ang tanan ka mga stakeholders’ bag-o magdesisyon ang gobyerno sa pag-import sa nasambit nga produkto.
Dugang pa sini, wala it dapat nga kahadlukan ang mga consumer sa mangin stocks sang sibuyas ilabi na sa bulan sang Disyembre.
