MAAYON, CAPIZ- Nagapbilin nga ‘at-large’ ang suspek sa pagpangluthang-patay sa isa ka lalaki sa Sitio Mansarag, Barangay Canapian, Maayon, Capiz.
Ang biktima amo sialyas “Junior”, residente sang Sitio Cabanbanan sang nasambit nga barangay samtang ang suspek amo si alyas “Berting”.
Sa interview sang Bombo Radyo kay Police Major Syril Punzalan, Hepe sang Maayon Municipal Police Station, iya ginpahayaga nga sa gihapon nagapadayon ang hot pursuit operation sang mga kapulisan. Maya yara na suno sa iya sang target nga mga lugar sa diin posible nga nagapanago ang amo nga suspek.
Madumduman nga natabo ang amo nga insidente santang yara sa sulod sang balay sang iya abyan nga si alyas “Erl” ang biktima sang nag-abot ang suspek nga tiyo sang iya abyan kag nagasinggitan nga paguwaon si “Erl”. Apang sang ginbuksan sang biktima ang pwertahan, gilayon siya nga ginluthang sang suspek sa hitsura kag abaga.
Gindala pa ini sa Bailan District Hospital agud kuntani nga masalbar pa apang wala na ini nakahingabot kag ginbawian sang kabuhi.
Ginalantaw nga motibo sang Maayon PNP sa krimen amo ang indi pag-intindihanay kag tuga sang kahulugbon.
Padayon ang hot pursuit operation sang kapulisan agud madakpan ang nagpalagyo nga suspek.
In an interview with Bombo Jessa Mae Siman De Los Santos
