Suspek sa pagpangluthang sa babaye sa banwa sang Pontevedra, posible nga residente sang lugar – Pontevedra MPS

ROXAS CITY – Posible nga residente sang lugar ang suspek sa pagpangluthang sa isa ka babaye nga naga-inum-inum mismo sa ila sulod sang balay sa Sitio Uyapad, Barangay Binuntucan, Pontevedra, Capiz.

Sa interview sang Bombo Radyo kay Police Major Gregg Anthony Salbang hepe ang Pontevedra PNP, ginpahayag sini nga padayon pa nila nga gina-ayam ang suspek tubtob subong.

Matandaan nga nag-angkon sang pilas sa abaga ang biktima nga ginkilala kay Cristina Desales kag residente sang nasambit nga lugar, tuga sang pagpangluthang sang wala makilan-an nga suspetsado.

Panugyan ni Salbang sa mga indibidwal nga nagahupot sang armas-luthang ilabi na ang indi lesinsyado nga kun mahimo isungka sa mga otoridad agud malikawan ang kasubong sini nga insidente.