Arestado na ang 29 anyos nga suspek sa pagpatay kag pag-utod sang ulo sang isa ka 15 anyos nga dalagita sa isa ka tubohan sa Valencia City, Bukidnon.
Nagsungka ang suspek sa isa ka tribal leader kag gindala siya sa mga otoridad.
Base sa initial investigation, papuli na ang biktima halin sa eskwelahan sang Enero 6 apang wala na ini makaabot sa ila balay.
Tubtob nga nakit-an na lang ang bangkay sang biktima sa tubohan sa Barangay Dagat, kag nakaseparar na ang iya ulo sa iya nga lawas.
Sang gindala na sa presohan ang suspek, gin-ako man sini ang krimen nga iya ginhimo.
“Nag-confess siya [na] noong January 6, 2026 ni-rape niya at pinatay ang biktima sa may tubohan sa Sitio Sinait, Barangay Dagat-kidavao sa Valencia, Bukidnon,” suno kay Police Captain Shiela Joy Jangad, PIO, Bukidnon Police Provincial Office.
Nahibaluan nga sadto anay, may yara na sang kaso nga pagpatay ang suspek.
