Ginakabig sang 50% nga pamilya nga Pilipino nga sila ang pigado suno sa survey sang Social Weather Stations (SWS) nga ginpatigayon halin Abril 23 tubtob 28, 2025.
Suno sa SWS, mas manubo ini sang 5 puntos kun ikumparar sa una nga survey nga ginpatigayon sadtong Abril 11 tubtob 15, 2025. Ginaangut sang SWS ang pagnubo sa mga rehiyon nga Metro Manila kag Mindanao, subong man sa pagpabilin sang pareho nga numero sa Balance Luzon kag Mindanao.
Ang pinakamataas nga porsyento sang self-rated poverty ang nabalhag sa Visayas nga may 67%, samtang ang pinakamanubo amo ang sa Metro Manila nga may 33%.
Samtang, 8% sang mga pamilya nga Pilipino ang nagsiling nga yasa sila sa tunga sang pagiging pigado kag indi pigado, samtang 42% naman ang nagsiling nga indi sila pigado.
Ang porsyento sang mga yara sa “borderline” ang nagnubo sa pinakamanubo nga percentage sa kasaysayan, mas manubo pa sa 11% nga nabalhag sadtong Disyembre 2024. Samtang, ang numero sang mga pamilya nga nagsiling nga indi sila pigado ang nagtaas sang 10 puntos halin sa 32% sadtong Abril 11–15, 2025, padulong sa bag-o nga record high nga 42% sadtong Abril 23–28, 2025.
Ini ang mas mataas pa kun ikumparar sa anay record nga 36% sadtong Marso 2025.
Sa ginabanta 14.1 million nga pamilya nga nagsiling nga sila ang pigado sa survey halin Abril 23–28, 2.2 million ang bag-o nga pigado, 2.3 million ang kinaandan nga pigado, kag 9.5 million ang masami nga pigado.
Nagapabilin nga P10,000 ang nationwide median sang mga self-rated poverty threshold (SRP threshold) halin Disyembre 2024 tubtob Abril 2025, samtang ang nationwide median self-rated poverty gap (SRP gap) ang nagapabilin sa P5,000 halin Setyembre 2024 tubtob Abril 2025.
Yari ang median nga bulanan nga gastos sang pamilya sa bug-os nga pungsod base sa survey sadtong Abril 23–28:
- Renta sa balay: P3,000
- Transportasyon: P2,000
- Internet: P800
- Load sa Cellphone: P400
Ang datos natipon pinaagi sa face-to-face interview sa 1,500 adult nga Pilipino gikan sa nagkalain-lain nga bahin sang pungsod. Suno sa SWS, ang margin of error ang ±3% para sa national percentage, ±4% sa Balance Luzon, kag ±6% sa Metro Manila, Visayas, kag Mindanao.
