Nakuha ni Filipino southpaw boxer Pedro Taduran ang IBF minimumweight belt matapos nga patumbahon sa ika-siyam nga round si Ginjiro Shigeoka sang Japan.
Nag-angkon sang pagdayaw sa 27-anyos nga Pinoy boxer gikan sa mga tumalan-aw sa Shiga Daihatsu Arena sa Otsu City.
Sa sulod sang siyam nga round, ginpaulanan ni Taduran sang inumol ang Japanese boxer kun sa diin nagdesisyon na ang referee nga si Steve Willies nga untaton na lamang ang hampang.
May yara sang 17 ka daog, apat nga piyerde kag isa ka draw nga may 13 knockouts si Taduran kag agud mabawi sini ang IBF 105 lbs. crown nga iya nauyatan nahawakan halin sang 2019 tubtob 2021.
Si Taduran na ang pangaduwa nga Filipino world champion kasunod ni Melvin Jerusalem nga may uyat sang WBO mini-flyweight crown
