Tag-iya sang boarding house patay matapos makuryente

ROXAS CITY – Patay ang 40-anyos nGa tag-iya sang boarding house matapos makuryente sang live wire sa Barangay San Juan, Dumarao, Capiz.

Ginkilala ang biktima nga si MaryJoy Crosnillo nga nag-angkon sang paso sa lawas.

Sa inisyal nga imbestigasyon sang Dumarao Municipal Police Station pakadto ang biktima kaupod ang pila ka mga boarders sa bubon para magpaligo.

Wala ginalauman nga mauyatan ang nagalaylay nga linya sang kuryente.

Hinali na lamang ini nga nagtiskog sang mauyatan ang live wire, sa diin nakit-an gid ini sang iya mga boarders.

Gindala pa sa ospital ang biktima apang gindeklara nga dead on arrival sang doktor.