Arestado ang tatlo ka mga indibidwal sa ginpatigayobn nga drug buy-bust operation sa Barangay Tico, Panay, Capiz.
Ang mga arestado amo sanday alyas Esmund, 56-anyos, alyas Jose 52-anyos lunsay residente sang Barangay Agbanog, Pontevedra, Capiz.
Samtang si alyas Ricky, 56-anyos residente naman sang Barangay Pundol, President Roxas, Capiz.
Sa interview sang Bombo Radyo kay Police Captain Eric Deocampo, Officer in Charge sang Panay Municipal Police Station, iya ginpahayag nakuha sa paghinakop sang mga arestado ang apat ka gramos sang suspected shabu nga may standard drug price nga P40,800.
Suno kay Deocampo, bukod sa illegal nga droga nakuha man sa mga arestado ang indi lisensyado nga .38 revolver nga armas luthang.
Sa subong, preso na ang mga ini sa Panay Municipal Police Station kag magapangatubang sa kaso nga paglapas sang Republic act. 10591, ukon comprehensive firearms and ammunition act kag Republic act 9165 ukon comprehensive dangerous drugs act of 2002.
