Tatlo ka mga indibidwal, patay samtang 21 naman ang pilason sa paglupok sang bomba sa isa ka restawran sa Russia

Patay ang tatlo ka mga indibidwal samtang 21 ang pilason matapos ang pagpamomba sa isa ka restaurant sa Moscow, Russia.

Suno sa report, isa ka improvised ukon homemade explosive device ang naglupok sa isa ka restaurant sa Kudrinskaya Square sa sentro nga bahin sang Moscow.

Lakip sa mga napatay amo ang isa ka babaye nga may bitbit nga bomba, isa ka security guard nga nagpugong sa iya, kag isa ka customer sang restaurant.

Gonpahayag sang anti-terrorism committee nga ang 21 ka mga pilason sa insidente nakabaton sang nagkalainlain nga pilas sa lawas.

Padayon pa imbestigasyon sang mga kapulisan kag forensic experts sa lugar agud mahibaluan ang ginhalinan kag motibo sang pagpang-atake.