Ginpalawig sang PAG-IBIG fund ang term of payment sa maga-loan sa idalum sang Multi Purpose Loan (MPL).
Ginpahayag ni Mr. Roland Gilo, manager sang PAG-IBIG fund – Capiz nga sandig sa modified guidelines sang MPL ginpalawig sa tatlo ka tuig ang term of payment sa baylo nga duha ka tuig.
Pinaagi sini maganubo ang bulanan nga amortization ukon balayaran sang miyembro nga nagloan.
Mahimo nga magamit ang loan sa medical, pagpakaayo sang balay, educational expenses, pagbakal sang kagamitan sa balay, balayaran sa water, electric bills kag credit card.
Sa mga new borrowers nga luyag mag-avail sang loan, kinahanglan may yara na sang 24 ka bulan nga kontribusyon.
Sa mga miyembro nga may existing loan na sa PAG-IBIG kag liwat nga magare-loan, kinahanglan nga nakabayad na ini sang anum ka bulan nga amortization kag iga-deduct ang nabilin nga loan sa makuha sang borrower.
Nahibaluan man nga 80 porsyento sang total savings ang mahimo nga ma-loan sang miyembro.
Samtang mahimo nga makabayad online pinaagi sa virtual Pag-ibig.
