-- ADVERTISEMENT --
PANAY, CAPIZ – Nagpalanakit ang lawas sang isa ka tigulang matapos nasanggit sang salakyan sa Barangay Poblacion Ilaya, Panay, Capiz.
Ginkilala ang biktima nga si Henry Bilioso, 77 anyos, residente sang nasambit man nga lugar.
Base sa nakuha nga impormasyon sang Bombo Radyo sa Panay Municipal Police Station, nagalakat sa higad sang karsada ang biktima sang nasanggit sang Toyota Avanza nga ginamaneho ni Ronny Batay, 48 anyos sang Purok III, Barangay Libas, sining siyudad.
Nakaangkon sang gasgas sa natuo nga kamot ang biktima kag nagpalanakit ang lawas diri rason nga gindala ini ni Bacay sa ospital agud madapatan sang nagakaigo nga pagbulong.
Nagpasalig naman si Bacay nga abagahon ang pagpabulong sa nasambit nga biktima.
-- ADVERTISEMENT --
