ROXAS CITY – Gintinguhaan nga pangitaon sang 40-anyos nga babayi ang iya nga traysikol, matapos nga ginaalegar ginmotornap ini sa Barangay Pawa, banwa sang Panay.
Ginkilala ang tag-iya kay Mercel Dumaniel, kag residente sang Sitio Arellano, sa amu nga barangay.
Sandig sa iya ginpabalhag sa Panay MPS, nga sang tinalikdan nga Sabado, Marso 5, natabo ang pagpangawat kun sa diin, indi na sini makita ang traysikol nga iya gin-park malapit sa ila balay.
Dugang pa sini nga ginpahibalo siya ni certain “Balodoy” Bengan, nga mga alas-11:30 sa amu nga gab-i, may apat ka lalaki ini nga nakit-an nga nagtulod sang amu nga traysikol padulong sa direksyon pa Brgy. Bonga, sa ila man nga banwa.
Bangud sini, ginpakamaayo sang tag-iya nga iparekord sa kapulisan ang amu nga insidente para sa imbestigasyon.
