Tricycle driver, arestado matapos makuhaan sang ginapatihan iligal nga droga

ROXAS CITY – Arestado ang isa ka tricycle driver, matapos makuhaan sang ginapatihan iligal nga droga takna 4:30 sang hapon Nobyembre 17, 2023.

Ginkilala ang nadakpan kay alyas “Gado” 55-anyos kag residente sang Barangay Tanque, Roxas City.

Mahibaluan nga yara man ini sa listahan bilang High Value Individual kag priority target.

Nakuha sa paghinakop ni alyas “Gado” ang ginapatihan shabu nga may kabug-aton nga 18.51gramos kag may estimated value nga P125,868.00.

Kaso nga paglapas sa RA 9365 ukon Comprehensive Drugs Act of 2002 ang paga-atubangon sini.

Sa karun, yara na ini sa paghinakop sang Roxas City PNP para sa nagakaigo nga disposisyon.