-- ADVERTISEMENT --
ROXAS CITY – Dakup ang isa ka lalaki sa ginpatigayon nga buy-bust kag entrapment operation sang mga katapo sang Criminal Investigation and Detection Group (CIDG)-Capiz sa Barangay Dinginan, Roxas City.
Ginkilala ang persona kay Ryan Reyes, tricycle driver kag residente sang Barangay Banica, sini man nga syudad.
Nakuha sa kontrol kag posesyon ni Reyes ang isa (1) ka unit sang 12-gauge shotgun nga may duha (2) ka mga bala, P3,400 nga buy-bust money, kun sa diin P100 diri ang marked money kag isa (1) ka puti nga sako.
Sa karon, yara na ini sa kustodiya sang CIDG-Capiz kag natalana nga magapangatubang sang panumbungon nga paglapas sa RA 10591 ukon The Comprehensive Firearms and Ammunition Regulation Act.
