Gingawaran sang gobyerno sang United Arab Emirates (UAE) sang royal clemency ang masobra sa 115 nga Pilipino nga convicted sa nagkalain-lain nga offense sa ila nga pungsod bilang kabahin sang obserbasyon sang Ramadan kag ang nagahilapit nga Eid Al-Fitr.
Ginpasalamatan sang Philippine Embassy ang gobyerno sang UAE sa pagpanguna sang Presidente sini nga si Sheikh Mohamed bin Zayed Al Nahyan, Vice President kag Prime Minister Sheikh Mohammed bin Rashid Al Maktoum sa ginhimo nga paggawad sang clemency sa mga Pilipino.
Sa isa ka pahayag, ginpalab-ot sang embahada nga ang aksyon nga ini ang nagapakita lamang sang ‘true spirit of mercy’ ilabi na subong nga obserbasyon sang Ramadan nga amu ang konsepto suno diri sang paghiliusa.
Ginakabig man nga isa ka paagi ang nangin paggawad sang clemency sa mga Pinoy para sa mas madalom kag mapag-on nga koneksyon kag pag-abyanay sa tunga sang Pilipinas kag sang UAE.
Samtang, ginhatagan pagtamod sang Philippine Embassy ang humanitaraian principles sang UAE para sa paghatag sang padayon nga suporta sa mga Pilipino nga yara karon sa ila nga pungsod.
