Ginkumpirmar sang Ukraine nga ginguba sini ang duha ka mayor nga tulay ang Russia paagi sa paggamit sang barato nga $600 nga mga drone sa pagpalupok sang mines kag ammunition nga gintanom didto sang mga pwersa sang Russia.
Una diri, ginbutangan sang Russia sang eksplosibo ang duha ka taytay agud palupok sa tion nga hinali nga mag-abante ang pwersa sang Ukraine.
Apang, suno sa militar sang Ukraine, ginagamit man sang militar sang Russia ang mga taytay sa paghatag liwat sang suplay sa ila mga tropa, gani gingamit ini sang Ukraine sa ila kaugalingon nga bentaha.
Ang 58th Separate Motorized Infantry Brigade sang Ukraine ang nagpatigayon sang operasyon, nga ginlunsar matapos matalupangdan ang tumalagsahon nga aktibidad sa lugar.
Sa video nga nakuha sang drone, nadiskubrehan nga naputos ang daku nga bugkos sang anti-tank mines kag iban pa nga mga bala kag pidaso sang tela rason nga ila ini ginlampusan kag ginpalupok.
Sa subong, wala pa sang komento ang Russia sa pag-atake sa mga tulay.
