Liwat nga nanawagan si United Nations Secretary-General Antonio Guterres sang pagpabalhin sa masobra 2,500 nga kabataan nagikan sa Gaza.
Suno kay Guterres, ang mga ini ang kinahanglan nga ipaidalom sa medical treatment.
Ginhimo sang opisyal ang pahayag matapos ang nangin meeting sa mga U.S. doctors.
Nahibaluan nga ang nasambit nga numero sang mga bata ang posible nga mangatubang sa kamatayon sa mga masunod pa nga semana.
Nagakabalaka ang mga doktor sa sitwasyon sang ikaayong lawas sang mga bata sa Gaza bangud sa padayon nga giyera sa tunga sang Israel kag Palestinian Hamas militants.
Ang 15-month-long war sa tunga sang duha ka pungsod ang nakaapekto na sa masobra 2 million ka tawo kag mangin sa sistema sang healthcare.
Sandig sa datos sang World Health Organization, nagadangat sa 12,000 pasyente ang padayon nga nagahulat sang medical evacuations.
