CAPIZ- Nangin matalunsay kag generally peaceful ang una nga duha ka adlaw nga klase sang mga estudyante sa bug-on nga Rehiyon VI-Western Visayas.
Sa interview sang Bombo Radyo kay Police Lieutenant Colonel Arnel Solis, tigpamaba sang Police Regional Office 6, ginpahayag nga bangud sa collaborative effort kag kooperasyon sang tagsa-tagsa nangin madinalag-on ang pagbukas sang School Year 2025-2026.
Dugang pa sini, wala sang may narekord ang ila sini nga talatapan may kaangtanan sa mga nagaluntad nga insidente kadungan sang pagbukas sang klase.
Nahibaluan nga ang tanan nga mga kapulisan suno sa iya ang na-fully maximize kag sa bulig man sang iban pa nga mga otoridad nangin generally peaceful ang una nga duha ka-adlaw sang klase sa bug-os nga rehiyon.
Samtang, nagpasalamat naman ang tigpamaba sa tanan nga mga nagkalatungdan sa bulig kag suporta sa direktiba sang mga kapulisan agud mapabilin ang kalinong kag katawhay sa palibot sang bug-os nga Rehiyon VI.
With a report from Bombo Francis Biñas
