Patay na sang masapwan sang Pasig City Police ang 15 anyos nga babaye sa Barangay Santolan, Pasig City nga pila na ka adlaw nga missing.
Ang biktima amo si Isabelle Sophia Tablate.
Marso 18 sang gin-report nga missing ang dalagita.
Suno sa kapulisan, nasapwan ang bangkay sang biktima sa isa ka pabrika sang feeds ukon pagkaon sang mga sapat sa Barangay Santolan.
Nakit-an ang dalagita sa bulig sang ginhimo nga backtracking sang mga otoridad sa mga kuha nga Closed Circuit Television (CCTV) camera.
Positibo naman nga ginkilala sang pamilya ang bangkay sang dalagita, nga ginpaidalom sa autopsy agud mahibaluan kun ano ang natabo sa biktima.
May mga nakit-an man nga nylon cord malapit sa bangkay sang dalagita nga upod sa paga-usisaon.
Padayon pa ang imbestigasyon sang mga kapulisan.
