-- ADVERTISEMENT --
Ginapaabot sang PAGASA nga may isa tubtob duha ka bagyo nga posible mabuo ukon magsulod sa Philippine Area of Responsibility (PAR) sa sini nga bulan sang Mayo.
Suno sa ahensya, kabahin ini sang hinay-hinay nga pagsugod sang rainy season kun sa diin mas nagaangay ang kondisyon para sa pagbuo sang mga bagyo.
Apang, wala pa sang klaro nga impormasyon kun ano kalain ukon kun diin nga mga lugar ang mahimo maapektuhan sang sini nga mga bagyo.
Padayon naman nga ginapahanumdom sang PAGASA ang publiko nga mangin handa kag magbantay sa mga weather updates agud malikawan ang posibleng peligro dulot sang malain nga panahon.
