ROXAS CITY – Nakilala na ang duha ka mga Overseas Filipino Workers (OFWs) nga napatay matapos nagbunggo sa railing ang ginasakyan nga motorsiklo kag nahulog sa pil-as sa Taiwan.
Ginkilala ang mga biktima nga sanday Ramil Barameda, 34 anyos kag Alma Mercaso Bartolome, 28 anyos.
Nahibaluan nga ginasubay sang mga biktima ang dalan sa Qishan District sa Kaohsiung City apang pag-abot sa 28-line nga Qishan nagbunggo ang motorsiklo sa guardrail sang karsada kag nahulog sa pil-as nga may 15 metros nga kadalumon.
Ang mga biktima ang nagatatrabaho sa Hiwin kag Canon Corporation sa nasambit nga pungsod.
Nagapadayon sa karon ang imbestigasyon sang mga otoridad sa insidente.
Nagakasubo naman karon ang Filipino community sa Taiwan sa natabo sa duha ka mga OFWs.
