Ginalauman nga magapadayon gihapon ang pagsulod sang mga investment sa Pilipinas gikan sa Amerika sin-o man ang magdaog nga bag-o nga Presidente sa 2024 US elections suno sa Center for Strategic and International Studies (CSIS).
Suno kay CSIS Southeast Asia Program Senior Fellow kag Director Gregory Poling, apang nakadepende ang Republican kag Democratic parties sa ‘more protectionist policies’, padayon gihapon ang pagbuhos sang pribado nga US companies sang kwarta sa Southeast Asia kaupod na ang Pilipinas.
Dugang pa sini, pag-abot sa pagduso sang mga alyansa kag pagsiguro nga ang Pilipinas ang parte sang Indo Pacific Economic Framework kag mas madamo pa nga investment, mas maayo suno diri si VP Kamala Harris. Kay Trump naman, indi ini masyado listo sa pagpakig-alyansa apang pag-abot sa pagbuo sang bilateral relationship, posible nga may tiyansa diri ang PH.
Samtang, siling naman sang Center for Strategic and International Studies nga importante nga mapadayon ang person-to person exchanges kag investment roadshows agud mapadugay pa ang PH kag US investment opportunities pagkatapos sang US elections.
Ginarekomendar man sini ang pagpaayo pa sang ease of doing business kag mas madamo nga economic reforms agud makaengganyo pa sang mas madamo nga investments.
