-- ADVERTISEMENT --
Ginalauman nga magnubo ang utang sang Pilipinas nga yara sa P17.56 trillion sang katapusan sang Hulyo subong nga tuig.
Suno sa Bureau of the Treasury (BTr), magabayad sang P814.2 billion nga balor sang domestic bonds ang gobyerno antes matapos ang tuig, bangud nagahinay ang aktibidad sa pagtipon sang pondo.
Bangud sini, ang domestic debt sa kabug-usan nga utang ang nagtaas gikan sa 68.1% sang 2024 nga nangin 68.9% sang Hulyo.
Suno sa ahensya, ang administrasyon ni President Ferdinand Marcos Jr. ang nagapabilin nga committed sa pagbayad sang utang samtang padayon nga nagasuporta sa mga proyekto sa kauswagan sa imprastraktura, edukasyon, ikaayong lawas, agrikultura, kag paghatag serbisyo sa komunidad.
