Visayas Grid, yara sa red kag yellow alert status bangud sa manipis nga power supply

Natalana nga ipaidalom sa Red and Yellow Alerts ang bug-os nga Visayas Grid subong nga adlaw bangud sa manipis nga reserba sang supply sang kuryente.

Base sa advisory sang NGCP, may Yellow Alert nga maga-epekto halin alas 2:00 sang hapun tubtob alas 5:00 sang hapun kag alas 8:00 sang gab-i tubtob alas 9:00 sang gab-i.

Samtang, ang kritikal nga Red Alert ipatuman sa tion sang peak hours halin alas 5:00 hapun tubtob alas 8:00 sang gab-i.

Ginpataas naman Yellow Alert kon ang operating margin manipis kag ang mga reserba sang kuryente indi bastante sa kinahanglanon sang grid.