Patay ang isa ka vlogger matapos makakaon sang devil crab.
Ang biktima ang ginkilala kay Emma Amit, isa ka content creator sa bahin sang Puerto Princesa.
Sandig sa report sang mga kapulisan, ginluto ni Amit ang alimango nga nadakpan sang iya bana para sa ila vlogging content.
Suno kay Barangay Luzviminda Captain Laddy Gemang, gin-share pa ni Amit ang pagkaon sa iya abyan.
Sa panaysayon sang abyan ni Amit, nabatyagan sini nga nagamanhid kag nagtulo ang laway sini gani nag-untat sia sa pagkaon, apang si Amit nagpadayon.
Matapos magkaon, nabudlayan ini sa pagginhawa kag gindala sa clinic antes gindala sa ospital, sa diin gindeklarar nga dead on arrival ang vlogger.
Samtang ang iya abyan naka-recover kag nakapauli na.
Suno kay Prof. Deo Florence Onda sang UP Marine Science Institute, ang devil crab mismo ang wala naga-produce sang hilo, kundi naga-produce ini sang toxin halin sa microorganisms sa reef nga ginakaon sang crab.
Ang neurotoxin gikan sa sini mahimo nga makatuga sang pagkaparalisado kag madasig nga mga epekto depende sa kadamuon sang hilo.
Nagpaandam ang Bureau of Fisheries and Aquatic Resources (BFAR) MIMAROPA nga indi tanan nga colorful crabs safe kaunon, lakip na ang devil crab kag green egg crab. Bisan pa lutuon ukon ginluto, ang hilo nagapabilin kag mahimo bangdan sang pagkamanhid, pagluya, kag pagkaparalisado sang pagginhawa.
Ini na ang ikatatlo nga napatay sa barangay bangud sa pagkaon sang devil crab suno sa kapitan.
