Ginhatagan tubtob Hunyo 1, 2026 si VP Sara Duterte sa pagsumite sang iya pormal nga sabat sa kaso nga impeachment batok sa iya suno kay Alan Peter Cayetano.
Ginpahayag ni Cayetano nga Mayo 20 sang ginpadala ang summons kag ginkumpirma sang Office of the Vice President nga nabaton ini mga alas 10:40 sang aga sang amo man nga adlaw.
Suno sa pagsulundan sang impeachment court, may napulo ka adlaw ang respondent agud magsumite sang sabat pagkatapos mabaton ang summon. Bangod ang orihinal nga deadline nga Mayo 30 natuunan sa Sabado, ginsaylo ini sa Hunyo 1.
Sa tion nga makasumite sang sabat ang kampo ni Duterte, hatagan sang lima ka adlaw ang House prosecution panel agud mag-file sang sabat antes padayunon ang pre-trial sang kaso.
Samtang, ginpahayag ni Zia Alonto Adiong nga wala sang upang sa pagsugod sang impeachment trial kag importante nga nagapabilin nga patas kag non-partisan ang proseso.
