Nagpaguha na sang pahayag si Vice President Sara Duterte matapos ang pag-impeach sa iya sang Kamara.
Ini matapos nagboto ang 215 ka kongresista sang pabor sa impeachment complaint batuk sa bise presidente sadtong Miyerkules.
Ginhimo nila ini sa ulihi nga adlaw mismo sang sesyon sang Kongreso.
Gilayon naman nga na-transmit ang complaint para isalang sa impeachment trial sang Senado.
Apang posible nga sa Hunyo nga ini suguran sang mataas nga pagtililipon, kasunod sa pahayag ni Senate President Francis “Chiz” Escudero.
Samtang, ginsambit naman sang bise presidente ang mga tinaga nga “God save the Philippines.”
Gintumod man niya nga indi siya ang likod sang pagpamahog kay President Ferdinand R. Marcos Jr., First Lady Liza Marcos, kag kay House Speaker Martin Romualdez kag ang mga miyembro sang Kamara lamang suno ang nagahambal nga siya ang may kahimuan.
