-- ADVERTISEMENT --
Mahimu nga maatubang si Vice President Sara Duterte sa multiple criminal charges magluwas pa sa disbarment complaint kaangut sa iya pagpamahog sa kabuhi nanday Presidente Ferdinand Marcos Jr. kag First Lady Araneta-Marcos kag House Speaker Martin Romualdez.
Suno kay Justice Secretary Margarita Gutierrez, base sa ila legal experts, mahimu nga pasakaan ang Bise Presidente sang libel, defamation kag grave threats bangud sa iya nga mga pagpamahog.
Ginatun-an naman suno ini sa karon ang pagpasaka sang disbarment batuk sa Ikaduha nga Presidente nga isa ka abogado bangud makabig nga unethical ang iya mga pagpamahog.
Ginsiguro naman sang DOJ official nga gilayon nga ipaaresto ang assassin sa tion nga matumod na sang mga imbestigador.
