Gin-ako ni Vice President Sara Duterte nga ang iya pag-endorso sa mga kandidato sa pagkasenador sang Partido sang iya amay nga si anay Presidente Rodrigo Roa Duterte ang bangud man sa pagkadakop kag pagkapreso sang anay presidente sa The Hague, Netherlands.
Gin-ako sang bise presidente nga wala siya sang una nga plano nga mag-endorso sang sin-o man nga kandidato sa sini nga eleksyon.
Suno kay VP Sara, personal man nga nagpangayo sang bulig sa iya ang iya amay agud ma-endorso ang senatorial bets sa idalom sang iya partido nga Partido Demokratiko Pilipino-Lakas ng Bayan.
Dugang pa nga gin-athag sang opisyal nga indi maayo ang iya eksperyensya sa pag-endorso sang mga kandidato sadtong nagligad nga eleksyon.
Bisan wala ginhingadlan sang bise presidente kun sin-o ang iya ginatumod, madumduman nga isa si PBBM sa iya gin-endorso sa 2022 elections sa idalum sang ila UNITEAM tandem.
Si FPRRD, amay ni VP Sara, nga napriso subong sa The Hague para sa kaso nga crimes against humanity.
Ini ang may kaangtanan sa gina-alegar maduguon nga implementasyon sang drug war sa idalum sang iya administrasyon.
Ginkumpirmar man sini nga wala siya ginhingyo sang anay Presidente nga i-endorso si Senador Imee Marcos kag Las Piñas Rep. Camille Villar bilang senador.
