Nagnubo sang 69.6% ang narekord nga rape cases sa Western Visayas sang Agosto 2026.
Sandig sa data sang Police Regional Office (PRO) 6, 14 nga kaso sang rape ang narekord sa rehiyon sang Agosto, ipaanggid sa 46 nga kaso sang kapareho nga bulan sang 2025.
Suno kay Police Brig. Gen. Randulf Tuaño, Director sang PRO 6, ang rape ang nakarekord sang pinakadako nga pagnubo sa walo ka mag focus crimes nga ginatutukan sang kapulisan sa rehiyon.
Sa isa ka meeting kaupod ang mga field commander, ginkwestyon ni Tuaño kun ano ang mahimo rason sang dako nga pagnubo sang mga kaso.
Natumod sang kapulisan ang dako nga kontribusyon sang active community engagement sang Police Community Relations (PCR) personnel, nga padayon nga nagapakig-angot sa mga komunidad agud mapaathag sa mga kababaihan kag mga kabataan ang ila kinamatarong sa idalom sang layi.
Sa 46 rape cases nga narekord sang Agosto 2025, pinakamadamo nga narekord amo sa Iloilo Police Provincial Office (IPPO) nga may 24 cases, ukon ginabanta 52% sa kabug-osan nga kaso sa rehiyon.
Ginasundan ini sang Aklan kag Antique nga may tag-pito ka mga kaso, samtang apat ang narekord sa Capiz kag tag-duha naman sa Guimaras kag Iloilo City.
