Padayon ang ginahimo nga pagpabaskog sang sports nga football para sa mga kababainhan.
Ginpahayag ni Philippine Football Federation (PFF) senior national teams director Freddy Gonzalez, nga sa pagsugod sang 2024 PFF Women’s Cup ang nagapakita lamang nga may yara sang manami nga programa ang pungsod sa patag sang football.
Isa man ini ka tikang agud makapili ang Womens National Football Team sang pungsod nga ila ipasakop sa mga international event.
Nagbandera naman ang pila ka mga grupo kasubong sang Kaya Football Club (FC) Iloilo, Stallion Laguna FC, Manila Digger FC, Beach Hut, Tuloy FC, kag Azzuri SC.
Kaupod man nga makita ang mga players nga nagpasakop sa FIFA Women’s World Cup 2023 kun sa diin nagpagkit sang makasaysayan nga kadalag-an nga 1-0 ang women’s national footballl team batuk sa co-host nga New Zealand.
