Workout personality Richard Simmons nagtaliwan na sa edad nga 76

Nagtaliwan na ang kilala nga workout personality sa US nga si Richard Simmons sa edad nga 76.

Ginpahayag sang iya nga publicist nga si Tom Estey nga nagtaliwan si Simmons isa ka adlaw matapos nga ginsaulog niya ang iya ika-76-anyos nga kaadlawan.

Wala na naghatag pa ini sang anuman nga detalye sa sanhi sang kamatayon ni Simmons.

Sumugod 1980 tubtob 1984 nga nangin host ini sang “Richard Simmons Show” nga nakatutok sa personal health kag fitness.

Ang nasambit nga show ang nagmadinalag-on nga apat nga Daytime Emmys.

Kilala man si Simmons sa aerobic exercise videos kalakip ang “Sweatin to the Oldies” sadtong 1988 nga ginsundan pa sadtong 1990 kag 1991.