-- ADVERTISEMENT --
Gin-aprubahan sang World Bank ang tatlo ka mga bag-o nga grants nga nagabalor sang kabug-usan nga USD4.13 million agud pabaskugon ang paghatag sang trabaho kag mabuhinan ang kapigaduhon sa Pilipinas, suno sa Department of Finance (DOF).
Suno kay Finance Secretary Frederick Go, ginpadasig sang gobyerno ang mga clearance agud gilayon nga mapatuman ang mga proyekto. Kalakipo diri mo ang mga masunod:
- Improving MSME Access to Finance and Resilience to Climate Shocks Project sang Department of Agriculture, nga may balor nga USD1.21 million, sa diin nga katuyuan sini nga pabaskugon ang financing sa agrikultura, i-modernize ang insurance system, kag pataason ang kita sa kabukiran.
- Philippines SMEs COMPETE Project sang Department of Trade and Industry, USD1.21 million man, para mapakusog ang kompetisyon sang magagmay kag katamtaman nga negosyo sa lokal kag pangkalibutanon nga mesrkado kag makatuga sang trabaho.
- Philippines Digital Infrastructure Project Scale-up (Phase II) sang Department of Information and Communications Technology, USD1.71 million, nga magpalapad sang broadband connectivity sa underserved areas kalakip ang Western Mindanao kag BARMM.
Nahibaluan nag ang amo nga mga grant ang ginapanghatag nga wala sang kabaylo kag magahatag sang dalan sa gobyerno nga mapabilin ang fiscal space samtang ginaduso ang mga prayoridad nga proyekto.
