Posible nga ipaidalum sa yellow alert status ang Visayas sa ikaduha nga quarter sang tuig.
Ini bangud sa pagnipis sang reserba sang kuryente sa pila ka mga power plants.
Sa interview sang Bombo Radyo kay Reagahn Alcantara, lead specialist sang Public Relations Department sang National Grid Corporation of the Philippines, iya ginpahayag nga ang yellow alert ang isa lamang ka abiso para sa publiko.
Suno kay Alcantara, posible nga magtaas ang demand sang kuryente, ilabi sa tion sang summer, nga amo ang isa sa mga rason kun ngaa mahimo magpatuman sang yellow alert status.
Dugang pa sini, nga wala sang may ginapatigayon nga maintenance sa mga planta sang kuryente sa tion sang summer agud malikawan ang kakulangan sa suplay.
Samtang, padayon naman nga ginamonitor sang NGCP ang sitwasyon kag nagapakig-angut sa mga power generator agud masiguro ang padayon nga suplay sang kuryente sa pungsod.
