Nagpatigayon sang Youth Symposium on Drug Awareness ang Philippine Drug Enforcement Agency (PDEA)-Capiz kaupod City Anti-Drug Abuse Council (CADAC) kag Barkada Kontra Droga (BKD) Organization sang Capiz National High School bilang padayon nga kampanya batok sa illegal nga droga .
Sa interview sang Bombo Radyo kay Jury G. Rocamora, Investigation Agent V sang Philippine Drug Enforcement Agency (PDEA)-Capiz Provincial Office, iya ginpahayag nga ginapasalamatan nila ang amo nga inisyatibo sang mga estudyante bangud daku ini nga bulig sa pag-edukar sa kabataan natuhoy sa peligro sang ilegal nga droga.
Suno kay Rocamora, padayon nila nga ginapalab-ot sa publiko ang mensahe nga likawan ang paggamit kag pag-engage sang ilegal nga droga.
Dugang pa sini nga daku man ang bulig sang mga barangay officials sa kampanya batok sa ilegal nga droga.
Nahibaluan nga 27 ka mga barangay sa Roxas City ang wala pa nadeklarar nga drug-cleared.
