Yara sa 1.5 milyon ka mga kabataan nga naka-enroll sa mga Child Development Centers sa pungsod ang ginalauman nga mangin benepisyaryo sang nakaschedule nga pagpapatuman sang Supplementary Feeding Program sang Department of Social Welfare and Development (DSWD) subong nga bulan.
Sunó kay DSWD Secretary Rex Gatchalian, may yara sang P5.1-bilyon nga pondo nga gintigana para sa programa nga magalawig sang 120 ka adlaw kag posible nga mapalawig tubtob 180 ka adlaw, depende kun may sobra pa nga pondo.
Dugang pa sini nga ang nasambit nga pondo igahatag sa mga lokal nga gobyerno (LGU) kag ila ini gamiton sa pagbakal sang mga rekado kag pagkaon para sa pagpanghatag sang programa.
Nahibaluan nga ang ihatag nga pondo sa mga LGU naka-base sa kadamuon sang mga estudyante nga naka-enroll sa kada CDC, apang kinahanglan nga magsunod sa ginspecified nga budget nga P25 kada pagkaon sang kada estudyante.
Samtang, ang mga pagkaon nga ihahatag sa mga benepisyaryo ibase sa rekomendasyon sang “Pinggang Pinoy” sang Department of Science and Technology (DOST), agud masiguro nga masustansya kag may husto nga nutritional value ang pagkaon sang mga kabataan.
