1 yr old patay matapos malunod sa ilog

ROXAS CITY – Tuman ang kasubo sang pamilya sang isa ka tuig nga bata matapos nasapwan ini nga nagalutaw sa suba nga nahamtang sa nalikod nga bahin sang ila balay sa Barangay Bantigue, Panay, Capiz.

Emosyunal ang iloy ni alyas Baby Richelle sang makita nga wala na sang kabuhi ang anak sa suba.

Kampante ang buot sang ginang sang ibilin sini sa sulod sang balay ang anak nga nagahampang apang nabalaka lamang sang indi na makita sa iya nga pagbalik sa ila balay ang anak.

Gilayon nga ginpangita nila ang anak kag tuman ang ila kasubo sang makita ini nga nagalutaw sa suba.

Ipaidalum sa post mortem examination ang bangkay sang biktima, para mahibaluan ang gintunaan sang iya nga kamatayon.