12 ka mga luxury cars sang mga Discaya nga yara sa search warrant, nakit-an na sang Bureau of Customs

Nakit-an na sang Bureau of Customs ang 12 tanan ka mga luxury vehicles nga nakalista sa search warrant sa St. Gerard construction company sa syudad ng Pasig.

Suno kay Customs Commissioner Ariel Nepomuceno, kagab-i gin-surrender sang pamilya Discaya ang mga salakyan kag sa subong yara na ini naka-park sa compound sang St. Gerard Construction General Contractor and Development Corporation.

Ang mga salakyan ang ginalakipan sang Rolls Royce Cullinan 2023, Bentley Bentayga, Mercedes Benz G-Class (Brabus G-Wagon), Mercedes AMG G 63 SUV 2022, Toyota Tundra 2022, Toyota Sequoia, kag Cadillac Escalade ESV 2021. Samtang ang tatlo ka mga salakyan nga Mercedes Benz G 500 SUV 2019, GMC Yukon Denali SUV 2022 (Gas), kag Lincoln Navigator L 2024 ang yara sa authorized service centers bangud ginpakay-o ang mga ini.

Suno kay Nepomuceno, tanan nga mga salakyan ang ginselyuhan kag ginabantayan ba sang mga katapo sang Bureau of Customs samtang gina-tsekyar naman kun may paglapas ang tag-iya kaangay sang indi pagbayad sang bastante nga mga buwis kag pila ka mga dokumento sa mga imported nga mga luxury cars.