-- ADVERTISEMENT --
Nagdangat na sa 158 ka lugar sa bilog nga pungsod ang gin-deklarar nga state of calamity bangud sa bagyong Kristine.
Suno sa National Disaster Risk Reduction and Management Council (NDRRMC) nga ang pinakamadamo amo ang Bicol region nga may 78 nga lugar nga ginsundan sang Calabarzon nga may 63 kag Eastern Visayas nga may 13.
Ang mga probinsiya sang Albay, Camarines Sur, Camarines Norte kag Catanduanes, amo man ang Bulan sa Sorsogon ang mga lugar nga pinakaulihi nga nagdeklara sang state of calamity.
Siling naman ni NDRRMC spokesman Edgar Posadas nga nagahiwat gihapon ang mga ini sang validation sa matuod nga numero sang mga napatay nga una na nga nabalita nga nagdangat na sa 100.
