19-anyos nga lalaki, ginlampusan sang botelya sa binaylehan, sa Ivisan

ROXAS CITY – Menor nga pilas sa ulo ang naangkon sang isa ka soltero matapos nga ginlampusan ini sang botelya sa ulo sang menor de edad nga lalaki, sa Agmalobo, banwa sang Ivisan, kaina sang kaaganhon.

Ang wala na ginhingadlan nga mga persona ang naga-edad sang 19-anyos nga biktima, samtang ang ginatudlo nagpanglampos ang naga-edad 13.

Sandig sa imbestigasyon sang mga kapulisan, nga gulpi nalang may nagluntad nga kinagamo sa guwa sang binaylehan sa amu nga barangay.

Bangud sini, gindapatan sang pauna nga pagbulong sang mga katapo sang MDRRMO kag Ivisan Response Unit ang biktima antes ginpadangat sa RMPH.

Samtang ang menor de edad nga suspek ang ginkustodiya sa MSWDO.